هلمند؛ په ناوې ولسوالۍ کې د لسو لوبډلو ترمنځ د فوټبال سيالۍ پيل شوې
د هلمند ولايت د بدني روزنې او سپورټ امريت اړوند د فوټبال فدراسيون د استازولۍ له لوري د ياد ولايت په ناوې ولسوالۍ کې د لسو لوبډلو ترمنځ د ځوانانو يووالي په موخه د فوټبال گروپي سيالۍ د لښکرگاه پامير لوبډلې په بريا پيل شوې.
دغه سیالۍ چې يوه مياشت به دوام وکړي، په لومړۍ لوبه کې لښکرگاه پامير لوبډلې خپلې سيالې ناوې سعادت لوبډلې ته د ۲/۳ گولونو په توپير ماتې ورکړه او بريا يې خپله کړه.
