هلمند؛ په ناوې ولسوالۍ د ۱۵ لوبډلو ترمنځ د ټېپ بال کرکټ سيالۍ پيل شوې
د هلمند ولايت د بدني روزنې او ورزش امريت په همغږۍ د ناوې ولسوالۍ په هزار آسپ سيمه کې د ۱۵ لوبډلو ترمنځ د ټېپ بال کرکټ سيالۍ د حسن پټان لوبډلې په بريا پيل شوې.
د يادو سياليو لومړۍ لوبه د حسن پټان او خپلواک اتلانو لوبډلو ترمنځ ترسره شوه، د لوبې پچې په گټلو سره حسن پټان لوبډلې په ټاکلو ۱۲ اورونو کې سيالې لوبډلې ته د ۲۸۰ منډو هدف کېښود، خپلواک اتلانو ياد هدف ترلاسه نه کړ او د ۱۷۵ منډو په توپير يې ماته ومنله.
د دغو سياليو د ترسره کېدو موخه ورزش ته د ځوانانو هڅول دي، چې لس ورځې به دوام وکړي.
