هلمند؛ په مرکز لښکري بازار کې د ۱۰ لوبډلو ترمنځ د فوټبال سيالۍ پای ته ورسېدې
د هلمند ولايت مرکز اړوند لښکري بازار د غربي لېسې د ادارې له لوري د نوموړې لېسې د لسو لوبډلو ترمنځ د فوټبال سيالۍ د ۱۱ ج لوبډلې په اتلولۍ پای ته ورسېدې.
دغه سيالۍ چې يوه مياشت وړاندې پيل شوې وې، پايلوبه يې د ۱۱ ج او ۱۱ الف لوبډلو ترمنځ ترسره شوه، چې په پايله کې ۱۱ج لوبډلې خپلې سيالې لوبډلې ته د ۲_۱ ګولونو په توپير ماتې ورکړه او اتلولي يې خپله کړه.
هېره دې نه وي چې د دغو سياليو موخه د غربي لېسې په کچه د منتخبې لوبډلې ټاکل او ورزش ته د ځوانانو هڅول وو.
