هلمند؛ په مارجې ولسوالۍ کې د لسو لوبډلو ترمنځ د ټېپ بال کرکټ سيالۍ پيل شوې
د هلمند ولايت د بدني روزنې او سپورټ امريت اړوند د ټېپ بال کرکټ فدراسيون د استازولۍ له لوري د مارجې ولسوالۍ په عبادالله کلف سيمه کې د لسو لوبډلو ترمنځ د ټېپ بال کرکټ سيالۍ د ناصراباد لوبډلې په بريا پيل شوې.
د يادو سياليو لومړنۍ لوبه د ناصراباد او کامران سعادات لوبډلو ترمنځ ترسره شوه، ناصراباد لوبډلې د لوبې پچې په گټلو سره په ټاکلو لسو اورونو کې سيالې لوبډلې ته د ۱۴۰ منډو هدف کېښود، کامران سعادات لوبډلې ياد هدف ترلاسه نه کړ او د ۲۰ منډو په توپير يې ماته ومنله.
د يادونې وړ ده، چې دغه سيالۍ به لس ورځې دوام وکړي.
