هلمند؛ په لښکرگاه ښار کې د ۲۰ لوبډلو ترمنځ د ټېپ بال کرکټ سيالۍ پای ته ورسېدې
د هلمند ولايت د بدني روزنې او سپورټ امريت په همکارۍ د لښکرگاه ښار په بولان درېيمه حوزه کې د ۲۰ لوبډلو ترمنځ د ځوانانو يووالي په نوم د ټېپ بال کرکټ گروپي سيالۍ د اتل نورزي لوبډلې په اتلولۍ پای ته ورسېدې.
د يادو سياليو پايلوبه د اتل نورزي او نوآباد زمريانو لوبډلو ترمنځ ترسره شوه، نوآباد زمريانو لوبډلې د لوبې پچې په گټلو سره په ټاکلو ۱۴ اورونو کې سيالې لوبډلې ته د ۱۹۰ منډو هدف کېښود، اتل نورزي لوبډلې ياد هدف په ۱۳ اور کې ترلاسه کړ او د درېيو ويکټو په توپير يې بريا خپله کړه.
د يادونې وړ ده، چې دغو سياليو شاوخوا يوه مياشت دوام وکړ.
