هلمند؛ په لښکرګاه ښار کې د ۱۶ لوبډلو ترمنځ پسرلي جام په نوم د ټېپ بال کرېکټ سيالۍ پيل شوې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د یاد ولایت مرکز اړوند په لسمه حوزه کې د ۱۶ لوبډلو ترمنځ د پسرلني جام په نوم د ټېپ بال کرېکټ سيالۍ پيل شوې.
د دغو سياليو لومړۍ لوبه د حاجي صادق او زرغون کلي لوبډلو ترمنځ ترسره شوه، حاجي صادق لوبډلې د پچې په ګټلو سره د توپ وهنې پرېکړه وکړه، چې په ټاکلو لسو اورونو کې د څلورو لوبغاړو په سوځېدو سره مقابلې لوبډلې ته د ۲۱۱ منډو هدف وټاکه. په ځواب کې د زرغون کلي لوبډلې په ټولو اورونو کې د اووه لوبغاړو په سوځېدو سره ۱۷۷ منډې جوړې کړې او د ۳۳ منډو په توپير يې لوبه وبایلله.
د يادو سياليو موخه ورزش ته د ځوانانو هڅول دي، چې ۲۰ ورځې به دوام وکړي.
