هلمند؛ ناوې ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولایت په ناوې ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د بلوڅ کاروان او ناصري اتلانو لوبډلو ترمنځ ترسره شوه. د لوبې پچه بلوڅ کاراون لوبډلې وګټله او لومړی یې توپوهنه وکړه، چې په ټاکلو ١٥ اورونو کې یې خپلې سیالې لوبډلې ته د ١٩٨ منډو هدف وټاکه. ناصري اتلانو لوبډلې د هدف په تعقیب کې د خپلو ټولو ویکټو په زيان ١٧٠ منډې وکړې او د ٢٧ منډو په توپیزګر یې لوبه وبایلله.
دا سیالۍ د ځوانانو ترمنځ د یووالي په موخه پیل شوي دي، چې ٢٠ ورځې به دوام وکړي.
