هلمند؛ مرکز لښکرګاه ښار کې د ١٥ لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت مرکز لښکرګاه ښار کې د ١٥ لوبډلو ترمنځ د ټېپ بال کرېکټ سیالۍ د اتحاد یارانو لوبډلې په اتلولي پای ته ورسېدې.
د یادو سیالیو پایلوبه د اتحاد یارانو او سرحدي اتلانو لوبډلو ترمنځ ترسره شوه. د لوبې پچه اتحاد یارانو لوبډلې وګټله او لومړی یې توپوهنه وکړه، چې په ټاکلو لسو اورونو کې یې خپلې سیالې لوبډلې ته د ١٠٧ منډو هدف وټاکه. سرحدي اتلانو لوبډلې د هدف په تعقیب کې ١٠٤ منډې وکړې او د دوو منډو په توپیر یې لوبه وبایلله.
دا سیالۍ ورزش ته د ځوانانو د هڅولو په موخه ترسره شوې، چې یوه میاشت یې دوام وکړ.
