هلمند؛ لښکرګاه ښار کې د فوټسال سيالۍ پيل شوې
د هلمند ولايت د بدني روزنې او ورزش آمريت اړوند د فوټبال فدراسيون د استازولۍ له لوري د ياد ولايت په مرکز لښکرګاه ښار کې د اتو لوبډلو ترمنځ د فوټسال ګروپي سيالۍ پيل شوې.
د يادو سياليو په پيليزه لوبه کې صميم سپورټ لوبډلې خپلې سيالې صميم لوبډلې ته د ۷-۳ ګولونو په توپير ماتې ورکړه او بريا يې خپله کړه.
دا سيالۍ د نويو استعدادونو موندلو او ورزش ته د ځوانانو هڅولو په موخه ترسره کېږي، چې شاوخوا ۱۶ ورځې به دوام وکړي.
