هلمند؛ شاهین افغان لوبډلې د خانشین ولسوالۍ د فوټبال رمضان جام سیالیو اتلولي وګټله
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یادو لایت په خانشین ولسوالۍ کې د اتو لوبډلو ترمنځ د رمضان جام په نوم د فوټبال شپنۍ سیالۍ د شاهین افغان لوبډلې په اتلولي پای ته ورسېدې.
د یادو سیالیو پایلوبه د شاهین افغان او میوند لوبډلو ترمنځ ترسره شوه، چې په پایله کې شاهین افغان لوبډلې د یو ګول په توپیر سره خپلې سیالې لوبدلې ته ماتې ورکړه او اتلولي یې په خپل نوم کړه.
د دغو سیالیو د پایلوبې نندارې ته د خانشین ولسوالۍ ورزشي مسؤول، نظامي او ملکي مسؤولان، مشران، ځوانان او د ورزش سلګونه مینوال ورغلي وو.
د یادو سیالیو موخه له اختر وروسته لوبو ته د ځوانانو چمتو والی او د سالمې تفریح برابرول ښودل شوي دي.
د یادونې وړ ده، چې له میوند لوبډلې څخه صدام د دغو سیالیو غوره لوبغاړی وټاکل شو.
