هلمند؛ خانشین ولسوالۍ کې د ۲۶ لوبډلو ترمنځ د فوتبال سیالۍ پیل شوې
د هلمند ولایت د بدني روزنې او ورزش امریت اړوند د فوتبال فدراسیون د استازولۍ له لوري د یاد ولایت په خانشین ولسوالۍ کې د ۲۶ لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د ځواک او مسلم لوبډلو ترمنځ ترسره شوه، چې په ټاکلي وخت کې لوبه پرته له ګول وهلو مساوي پای ته ورسېده، خو په پنالټیو کې ملسم لوبډلې د ۴/۵ ګولونو په وهلو سره خپلې سیالې ځواک لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ ورزش ته د ځوانانو د هڅولو په موخه پیل شوي دي، چې یوه میاشت به دوام وکړي.
