هلمند؛ خانشین ولسوالۍ کې د ١٥ لوبډلو ترمنځ د ټېپ بال کرېکټ سیالۍ پیل شوې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولایت په خانشین ولسوالۍ کې د ١٥ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د مرکزي اريانا او خراسان لوبډلو ترمنځ ترسره شوه. د لوبې پچه خراسان لوبډلې وګټله او لومړی یې توپوهنه وکړه، چې په ټاکلو لسو اورونو کې یې خپلې سیالې لوبډلې ته د ١٤٩ منډو هدف وټاکه. اریانا لوبډلې ټاکلی هدف د درېوو ویکټو په زیان د لوبې په شپږم اور کې ترلاسه کړ او د اووه ویکټو په توپیر یې د سیالیو لومړۍ بریا خپله کړه.
دا سیالۍ د ځوانانو لپاره د سالمې تفرېح برابرولو په موخه پیل شوې دي، چې ١٣ ورځې به دوام وکړي.
