هلمند؛ خانشين ولسوالۍ کې د ټېپ بال کرېکټ اختريزې سيالۍ پيل شوې
د هلمند ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د خانشين ولسوالۍ په بازار سيمه کې د ۱۷ لوبډلو ترمنځ د ټېپ بال کرېکټ اختريزې سيالۍ پيل شوې.
د يادو سياليو پيليزه لوبه د اتفاق اتلانو او اتفاق ب لوبډلو ترمنځ وشوه، د لوبې پچه اتفاق ب لوبډلې وگټله او لومړی يې د توپ وهنې پرېکړه وکړه، چې په ټاکلو ۱۲ اورونو کې يې خپلې سيالې لوبډلې ته ۱۵۰ منډو هدف کېښود، په ځواب کې اتفاق اتلانو لوبډلې د ټولو لوبغاړو په سوځېدو سره ۹۵ منډې وکړې او لوبه يې د ۶۵ منډو په توپير وبايلله.
د ويلو وړ ده، چې دغه سيالۍ به شاوخوا ۲۰ ورځې دوام وکړي.
