هلمند؛ بُست اتلانو لوبډلې د گرمسېر ولسوالۍ د ټېپ بال کرکټ سياليو اتلولي وگټله
د هلمند ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د گرمسېر ولسوالۍ په امير آغا سيمه کې د ۱۲ لوبډلو ترمنځ د ټېپ بال کرکټ گروپي سيالۍ، چې ۲۲ ورځې مخکې پيل شوې وې، د بُست اتلانو لوبډلې په اتلولۍ پای ته ورسېدې.
د يادو سياليو پايلوبه د بُست اتلانو او روحاني يارانو لوبډلو ترمنځ ترسره شوه، چې بُست اتلانو لوبډلې د لوبې پچې په گټلو سره په ټاکلو ۱۲ اورونو کې سيالې لوبډلې ته د ۲۰۳ منډو هدف وټاکه، په مقابل کې روحاني يارانو لوبډلې يواځې ۱۶۲ منډې وکړې او لوبه يې د ۴۱ منډو په توپير وبايلله.
