هلمند؛ بُست اتلانو لوبډلې د اتحاد په نوم د ټېب بال کرکټ سياليو اتلولي وگټله
د هلمند ولايت د بدني روزنې او ورزش امريت په همغږۍ د کجکي ولسوالۍ په مرکزي ميدان کې د ۱۴ لوبډلو ترمنځ د اتحاد په نوم د ټېپ بال کرکټ سيالۍ د بُست اتلانو لوبډلې په اتلولۍ پای ته ورسېدې.
د يادو سياليو پايلوبه د بُست اتلانو او اتحاد لوبډلې ترمنځ ترسره شوه، اتحاد اتلانو لوبډلې د لوبې پچې په گټلو سره په ټاکلو ۱۲ اورونو کې د نهو لوبغاړو په سوځېدو سره سیالې لوبډلې ته ۱۴۷ منډو هدف کېښود، بُست اتلانو لوبډلې ياد هدف په لسم اور کې ترلاسه کړ او د پنځو ويکټو په توپير يې بريا خپله کړه.
د دغو سياليو د ترسره کېدو موخه د ورزشکارانو پرمختگ او هڅول وو، چې شاوخوا ۱۷ ورځې يې دوام وکړ.
