هرات کې د ۲۴ لوبډلو ترمنځ د فوټبال سیالۍ پای ته ورسېدې

د هرات ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت مرکز کې د ۲۴ لوبډلو ترمنځ د فوټبال حذفي جام سیالۍ د هرات زعفران لوبډلې په اتلولي پای ته ورسېدې.
دا سیالۍ د هرات زعفران او اتفاق لوبډلو ترمنځ ترسره شوه، چې په پایله کې یې هرات زعفران لوبډلې د ۲ پر صفر ګولونو په توپیر خپلې سیالې لوبډلې ته ماتې ورکړه او اتلولي یې وګټله.
د سیالیو په پای کې د مسؤولانو له لوري لومړي، دویم او درېیم مقام لوبډلې او غوره ورزشکارانو ته ډالۍ ورکړل شوې.