نورستان؛ مرکز پارون ښار کې د څلورو لوبډلو ترمنځ د هاکي سیالۍ پیل شوې
د نورستان ولایت د بدني روزنې او ورزش امریت اړوند د هاکي ملي فدراسیون د استازولۍ له لوري د یاد ولایت په مرکز پارون ښار کې د څلورو لوبډلو ترمنځ د هاکي سیالۍ پيل شوې.
د دغو سیالیو په لومړۍ لوبه کې ارنس لوبډلې خپلې سیالې ژنچیګل لوبډلې ته د ۳/۰ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د هاکي سیالیو ته د ورزشکارانو لا ښه چمتووالی دی، چې درې ورځې به دوام وکړي.
