ننگرهار کې د ۱۰۰ ورزشکارانو ترمنځ د اوـ سپورټ سبک سيالۍ وشوې
د ننگرهار ولايت د بدني روزنې او ورزش رياست اړوند د رزمي لوبو فدراسيون د استازولۍ له لوري د مرکز جلال اباد ښار په پنځمه ناحیه کې د ياد ولايت په کچه د ۱۰۰ ورزشکارانو ترمنځ د اوـ سپورټ سبک سيالۍ وشوې.
په دغو سياليو کې ورزشکارانو د نويو ځوانانو، ځوانانو او لويانو په عمري کټگوريو کې د يو بل پر وړاندې سيالۍ ترسره کړې، چې په پايله کې ۵۰ تنو خپلو سيالانو ته په ماتې ورکولو سره برياوې خپلې کړې.
دا سيالۍ د ورزشکارانو د هڅونې په موخه ترسره شوې، چې يوه ورځ يې دوام وکړ.
