ننگرهار کې د لسو لوبډلو ترمنځ د فرما ټېپ بال کرېکټ غوره ليگ دويم پړاو سيالۍ پيل شوې
د ننگرهار ولايت د بدني روزنې او ورزش رياست په همغږۍ د جلال اباد ښار په سراج العمارت بڼ کې د لسو لوبډلو ترمنځ د فرما ټېپ بال کرېکټ غوره ليگ دويم پړاو سيالۍ پيل شوې.
په يادو سياليو کې د جواد اکرم، الزمان گروپ، عمر عباس، خان روغتون، سینمیکس سټار، مایر واریز، هارون ځاځي، اوریا صحت، مون برايټ او محمد عالي اصفي لوبډلو گډون کړی، چې لومړنۍ لوبه يې د جواد اکرم او خان روغتون لوبډلو ترمنځ ترسره شوه، جواد اکرم لوبډلې د لوبې پچې په گټلو سره په ټاکلو ۱۲ اورونو کې د اتو لوبغاړو په سوځېدو سره سیالې لوبډلې ته د ۱۱۷ منډو هدف وټاکه، په مقابل کې خان روغتون لوبډلې د اوو لوبغاړو په سوځېدو سره يواځې ۹۳ منډې وکړې او لوبه يې د ۲۰ منډو په توپير وبايلله.
