ننگرهار کې د شپږو لوبډلو ترمنځ د باسکټبال غوراوي سيالۍ ترسره شوې
د ننگرهار ولايت د بدني روزنې او ورزش رياست اړوند د باسکټبال فدراسيون د استازولۍ له لوري د ياد ولايت په مرکز جلال اباد ښار کې د شپږو لوبډلو ترمنځ د باسکټبال غوراوي سيالۍ ترسره شوې.
په يادو سياليو کې د شمس، سمندر، شېرزاد، ځوانانو، اتلانو او سپين غر لوبډلو گډون کړی وو، چې په پايلوبه کې سمندر لوبډلې خپلې سيالې شمس لوبډلې ته د ۱۱ پر ۹ امتيازونو په توپير ماتې ورکړه او اتلولي يې خپله کړه او همدارنگه د ياد ولايت باسکټبال منتخبه لوبډله ونومول شوه.
د يادولو وړ ده، چې د دغو سياليو د ترسره کېدو موخه د ننگرهار ولايت باسکټبال منتخبې لوبډلې ټاکل و، چې يوه ورځ يې دوام وکړ.
