ننگرهار؛ چپرهار ولسوالۍ کې د ۱۲ لوبډلو ترمنځ د ټېپ بال کرېکټ سيالۍ پيل شوې
د ننگرهار ولايت د بدني روزنې او ورزش رياست اړوند د ټېپ بال کرېکټ فدراسيون د استازولۍ له لوري د چپرهار ولسوالۍ په شولاني سيمه کې د ۱۲ لوبډلو ترمنځ د ځوانانو لپاره د سالمې تفريح برابرولو په موخه د ټېپ بال کرېکټ سيالۍ پيل شوې.
د يادو سياليو لومړۍ لوبه د ش.ه.ي.د افسر خان ښوونیز مرکز او فرهاد احمدي کلب لوبډلو ترمنځ ترسره شوه. د لوبې پچه فرهاد احمدي کلب لوبډلې وگټله او لومړی يې د توپ وهنې پرېکړه وکړه، چې په ټاکلو يوولس اورونو کې يې د شپږو لوبغاړو په سوځېدو سره خپلې سيالې لوبډلې ته د ۱۱۰ منډو هدف وټاکه، په مقابل کې ش.ه.ي.د افسر ښوونیز مرکز لوبډلې ياد هدف د لوبې په لسم اور کې ترلاسه کړ او لوبه يې د درېيو ویکټو په توپير وگټله.
ياده دې وي، چې دغه سيالۍ به شاوخوا يوه مياشت دوام وکړي.
