ننگرهار؛ چپرهار ولسوالۍ کې د درېيو لوبډلو ترمنځ د واليبال سيالۍ پای ته ورسېدې
د ننگرهار ولايت د بدني روزنې او ورزش رياست اړوند د واليبال فدراسيون د استازولۍ له لوري د چپرهار ولسوالۍ په ماڼو کلي کې د درېيو لوبډلو ترمنځ د لوی اختر په مناسبت د ماڼو واليبال ليگ دويم پړاو سيالۍ د ملک بابا لوبډلې په اتلولۍ پای ته ورسېدې.
د يادو سياليو په پايلوبه کې ملک بابا لوبډلې خپلې سيالې الخالد لوبډلې ته د ۱/۳ ميدانونو په توپير ماتې ورکړه او اتلولي يې وگټله.
د ويلو وړ ده، چې دغو سیالیو دوې اوونۍ دوام وکړ او په پای کې اتلې لوبډلې ته د اتلولۍ جام ورکړل شو.
