ننگرهار؛ په روداتو ولسوالۍ کې د ۲۰ لوبډلو ترمنځ د ټېپ بال کرکټ سيالۍ پای ته ورسېدې
د ننگرهار ولايت د بدني روزنې او سپورټ رياست له لوري د ياد ولايت په روداتو ولسوالۍ کې د ۲۰ لوبډلو ترمنځ د ځوانانو هڅولو او يووالي په موخه د ټېپ بال کرکټ سيالۍ د ملنگ لوبډلې په اتلولۍ پای ته ورسېدې.
د يادو سياليو پايلوبه د ملنگ او اتحاد لوبډلو ترمنځ ترسره شوه، اتحاد لوبډلې د لوبې پچې گټلو سره په ټاکلو لسو اورونو کې د اتو لوبغاړو په سوځېدو سره سیالې لوبډلې ته د ۷۷ منډو هدف کېښود، ملنگ لوبډلې د ياد هدف په نهم اور کې ترلاسه کړ او د څلورو ويکټو په توپير يې بريا خپله کړه.
دغه سیالۍ چې دوې اوونۍ يې دوام وکړ، په پای کې اتلې لوبډلې ته د اتلولۍ جام او غوره لوبغاړو ته بېلابېلې چمتو شوې ډالۍ ورکړل شوې.
