ننگرهار؛ مرکز جلال اباد ښار کې د رسۍ کشوونې سيالۍ ترسره شوه
د ننگرهار ولايت د بدني روزنې او سپورټ رياست اړوند، د ملي او دوديزو لوبو مديريت له خوا، د ياد ولايت په مرکز جلال اباد په ښار سراج العمارت بڼ کې د گڼ شمېر مينوالو په شتون کې د رسۍ کشوونې سيالۍ تر سره شوه.
ياده سيالي د اتحاد او محبت لوبډلو تر منځ ترسره شوه، چې په پايله کې د اتحاد لوبډلې د ۲/۰ میدانونو په توپير بريا په خپل نوم کړه.
دغه سيالۍ چې يو ورځ يې دوام وکړ، موخه يې د سالمې تفريح برابرول ياد شوي دي.
په پای کې گټونکې لوبډلې ته چمتو شوې ډالۍ ورکړل شوې.
