ننگرهار؛ قوميزې ټايگرز لوبډلې د شينوارو ولسوالۍ د ټېپ بال کرکټ سياليو اتلولي خپله کړه
د ننگرهار ولايت د بدني روزنې او ورزش رياست اړوند د شينوارو شپږگونو ولسواليو ورزشي مديريت له لوري د شينوارو ولسوالۍ په ګلاهي جبگۍ لوبغالي کې د ۳۲ لوبډلو ترمنځ د اا له نظام څخه د ملاتړ په موخه د ټېپ بال کرکټ سيالۍ، چې يوه مياشت مخکې پيل شوې وې، د قوميزې ټايگرز لوبډلې په اتلولۍ پای ته ورسېدې.
د يادو سياليو پايلوبه د قوميزې ټايگرز او فاميلۍ لوبډلو ترمنځ ترسره شوه، چې فاميلۍ لوبډلې د لوبې پچې په گټلو سره په ټاکلو لسو اورونو کې د ټولو لوبغاړو په سوځېدو سره سیالې لوبډلې ته د ۸۹ منډو هدف وټاکه، په مقابل کې قوميزې ټايگرز لوبډلې ياد هدف په اووم اور کې ترلاسه کړ او د شپږو ويکټو په توپير يې بريا خپله کړه.
ياده دې وي، چې د دغو سياليو په پای کې اتلې لوبډلې ته د اتلولۍ جام ورکړل شو.
