ننگرهار؛ خېر بندۍ لوبډلې د گوشتې ولسوالۍ د ټېپ بال کرکټ سياليو اتلولي وگټله
د ننگرهار ولايت د بدني روزنې او سپورټ رياست اړوند د ټېپ بال فدراسيون د استازولۍ له لوري په گوشتې ولسوالۍ کې د ۴۸ لوبډلو تر منځ د ټېپ بال کرکټ سيالۍ د خېر بندۍ لوبډلې په اتلولۍ پای ته ورسېدې.
د يادو سياليو پايلوبه د چمن آباد او خېر بندۍ لوبډلو تر منځ ترسره شوه، چې په پايله کې چمن آباد لوبډلې په ټاکلو ۱۲ اورونو کې خپلې سيالې لوبډلې ته د ۱۳۰ منډو هدف کېښود، د خېر بندۍ لوبډلې ياد هدف تر لاسه کړ او د اتو ویکټو په توپیر يې بريا خپله کړه.
د دغو سياليو د ترسراوي موخه د پخوانيو دودونو ساتل او له نظام څخه ملاتړ ياد شوي و، چې شاوخوا يوه نيمه مياشت يې دوام وکړ.
په پای کې گټونکې لوبډلې ته يو عراده موټر سايکل ورکړل شو.
