ننګرهار ؛ په ښېوې ولسوالۍ کې د ۳۰ لوبډلو ترمنځ د واليبال سيالۍ پای ته ورسيدې
د ننګرهار ولايت د بدني روزنې او ورزش رياست په همکارۍ د ياد ولايت په ښېوې ولسوالۍ کې د ننګرهار، لغمان او د کنړ ولايتونو د ۳۰ لوبډلو ترمنځ د واليبال سيالۍ پای ته ورسېدې.
د دغو سياليو په پايلوبه کې د شګې مرکزي لوبډلې خپلې سيالې ملکانو لوبډلې ته د ۳/۱ میدانونو په توپير ماتې ورکړه او اتلولي يې خپله کړه.
يادې سيالۍ د نظام د ملاتړ او يووالي په موخه ترسره شوې، چې يوه اوونۍ يې دوام وکړ.
د سياليو په پای کې غوره لوبډلې ته کپ ورکړل شو.
