ننګرهار؛ چپرهار ولسوالۍ کې د ٣٢ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په چپرهار ولسوالۍ کې د ٣٢ لوبډلو ترمنځ د ټېپ بال کرېکټ سیالۍ د ډاکتر فیصل لوبډلې په اتلولي پای ته ورسېدې.
د یادو سیالیو پایلوبه د کریم دولتزي او ډاکټر فیصل لوبډلو ترمنځ ترسره شوه. د لوبې پچه ډاکټر فیصل لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د یوې ویکټې په زیان خپلې سیالې لوبډلې ته د ١٩٢ منډو هدف وټاکه. کریم دولتزي لوبډلې د هدف په تعقیب کې د پنځو ویکټو په زیان ١٢٨ منډې وکړې او د ٦٣ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
