ننګرهار؛ په کوز کونړ ولسوالۍ کې د ۲۶ لوبډلو ترمنځ د واليبال ټورنمنټ پيل شو
د ننګرهار ولايت د بدني روزني او ورزش ریاست او د والیبال فدراسیون په ګډه همغږۍ د کوز کونړ ولسوالۍ په شګي زاخيلو کلي کې د ۲۶ لوبډلو ترمنځ د والیبال سیالۍ پيل شوې.
د دغو سياليو د پيل په مراسمو کې د ياد ولايت د بدني روزنې او سپورټ رياست د ورزشي چارو آمر داکتر منیرالدین خالد راغلو ورزشکارانو او نندارچيانو ته د ياد ولايت د بدني روزنې او ورزش رئیس وزیروال پیغام وړاندې کړ او ډاډ يې ورکړ، چې نوموړی رياست ستاسو د ورزشي فعالیتونو ترڅنګ ولاړ دی او ملاتړ مو کوي. ده همدا راز د کوز کونړ ولسوالۍ له امنيتي مسولينو څخه د مالي او ځاني همکاريو په پار مننه وکړه.
د دغو سياليو د پيل په مراسمو کې د ياد ولايت پر ورزشي مسولينو سربېره د نوموړي کلي مشرانو او ګڼو مينوالو ګډون کړی و.
بايد يادونه وشي، چې د دغه ټورنمنټ لومړۍ سيالي د شګي کلي او ايمل خان کلي لوبډلو ترمنځ ترسره شوه، چې په پايله کې د ايمل خان کلي لوبډلې د ۲_۰ په توپير سره وګټله او بريا يې ترلاسه کړه.
