بغلان؛ مرکز پلخمري ښار کې د ۱۲ لوبډلو ترمنځ د فوټسال سيالۍ پيل شوې
د بغلان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز پلخمري ښار کې د ژمي جام په نوم د ۱۲ لوبډلو ترمنځ د فوټسال ګروپي سيالۍ پيل شوې، چې څلور اوونۍ به دوام وکړي.
د دغو سياليو په لومړۍ لوبه کې بند دو لوبډلې خپلې سیالې ځوانانو لوبډلې ته د ۶/۲ ګولونو په توپير ماتې ورکړه او لومړۍ بريا يې خپله کړه.
