ننګرهار؛ په پچيراګام ولسوالۍ کې د ۲۲ لوبډلو ترمنځ د ټېپ بال کرکټ سيالۍ پای ته ورسېدې
د ننګرهار ولایت د بدني روزنې او ورزش رياست په لارښوونه په پچيراګام ولسوالۍ کې د ۲۲ لوبډلو ترمنځ د ټیپ بال کرکټ سيالۍ پای ته ورسېدې.
د دغو سياليو پایلوبې ته د ګرخېلو حنيف او بامخېلو تور غر لوبډلو لار موندلې وه، لومړی توپوهنه حنيف لوبډلې ترسره کړه او په ټاکلو ۱۲ اورونو کې يې سيالې لوبډلې ته د پنځو لوبغاړو په زيان ۱۶۲ منډې هدف کېښود، بل لوري ته تور غر لوبډلې د ټولو لوبغاړو په زيان ۱۵۵ منډې جوړې کړې او په ۷ منډو يې ماتې وخوړه.
د یادونې وړ ده چې دغو سياليو يوه مياشت دوام وکړ او په پای کې اتلې لوبډلې ته لومړی درجه کپ ورکړل شو.
