ننګرهار؛ په خوږياڼو ولسوالۍ کې د ۵۰ ورزشکارانو ترمنځ د ووشو سيالۍ وشوې
\د ننګرهار ولایت د بدني روزنې او ورزش رياست اړوند ووشو فدراسيون د استازولۍ له لوري، په خوږياڼو ولسوالۍ کې د ۵۰ ورزشکارانو ترمنځ د ووشو ټاکنيزې سيالۍ ترسره شوې.
دغه سيالۍ د ۲۵ جوړو ترمنځ وشوې، چې په پايله کې ۲۰ تنه ورزشکاران د ولايتي لوبو لپاره وټاکل شول او د پاتې پنځو جوړو لوبې مساوي اعلان شوې.
هېره دې نه وي، چې د دغو سياليو په پای کې غوره ورزشکارانو ته مډالونه ورکړل شول.
