ننګرهار؛ په بټي کوټ ولسوالۍ کې د ۲۲ لوبډلو ترمنځ د ټېپ بال کرېکټ سيالۍ پای ته ورسیدې
د ننګرهار ولایت د بدني روزنې او ورزش رياست اړوند د ټېپ بال کرېکټ فدراسيون د استازولۍ له لوري د ياد ولايت په بټي کوت ولسوالۍ کې د ۲۲ لوبډلو ترمنځ د ټېپ بال کرېکټ سيالۍ د فريد سټار لوبډلې په اتلولۍ پای ته ورسېدې.
د دغو سياليو پايلوبه د فريد سټار او ابراهيم خېل لوبډلو ترمنځ ترسره شوه، فريد سټار لوبډلې د پچې په ګټلو سره د توپ وهنې پرېکړه وکړه، چې په ټاکلو نهو اورونو کې دشپږو لوبغاړو په سوځېدو سره مقابلې لوبډلې ته د ۱۷۳ منډو هدف وټاکه. په ځواب کې د ابراهیم خېل لوبډلې د اتو لوبغاړو په سوځېدو سره ۱۴۵ منډې جوړې کړې او د ۲۷ منډو په توپير سره يي لوبه وبایلله.
د يادو سياليو موخه ورزش ته د ځوانانو هڅول و، چې دوه اوونۍ يې دوام وکړ او په پای کې ګټونکي لوبډلې ته يو عراده بايسکل په انعام کې ورکرړل شو.
