ننګرهار؛ مومندرې ولسوالۍ کې ټېپ بال کرکټ سیالۍ د باسول شاهین لوبډلې په اتلولي پای ته ورسېدې
د ننګرهار ولایت د بدني روزنې او ورزش ریاست له لوري د یاد ولایت مومندرې ولسوالۍ په باسول سیمه کې د ۶۰ لوبډلو ترمنځ د ټېپ بال کرکټ سیالۍ د باسول شاهین لوبډلې په اتلولي پای ته ورسېدې.
د یادو سیالیو پایلوبه د باسول شاهین او باسول اتفاق لوبډلو ترمنځ ترسره شوه، چې باسول شاهین لوبډلې په ټاکلو لسو اورونو کې د پنځو لوبغاړو په له لاسه ورکولو سره خپلې سیالې لوبډلې ته یې د ۱۴۵ منډو هدف وټاکه، باسول استقلال لوبډله د هدف په پوره کولو کې پاتې راغله او لوبه یې د ۹ منډو په توپیر وبایلله.
دغه سیالۍ له امنیتي ځواکونو څخه د ملاتړ په موخه ترسره شوې، چې په پای کې اتلې لوبډلې ته د اتلولي کپ او غوره لوبغاړو ته هم ځینې ډالۍ ورکړل شوې.
