ننګرهار؛ مرکز جلال آباد ښار کې د پنځو ولایتونو ترمنځ د والیبال سیالۍ پیل شوې
د ننګرهار ولایت د بدني روزنې او ورزش ریاست له لوري د یاد ولایت مرکز جلال آباد ښار کې له پنځو ولایتونو د ۳۲ لوبډلو ترمنځ د والیبال سیالۍ پیل شوې.
په دغو سیالیو کې له ننګرهار، لغمان، کونړ، کاپیسا او کابل ولایتونو څخه ۳۲ لوبډلو ګډون کړی دی، چې په لومړۍ لوبه کې یې اتحاد لوبډلې د ۲ پر یو میدان په توپیر خپلې سیالې کوټ اتحاد لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ د ځوانانو ترمنځ د یووالي په موخه پیل شوي دي.
