ننګرهار؛ شينوارو ولسوالۍ کې د لسو لوبډلو ترمنځ د فوټبال سيالۍ د ډکې لوبډلې په بریا پيل شوې.
د ننګرهار ولايت بدني روزنې او سپورټ رياست اړوند د شينوارو ولسواليو ورزشي مديريت له لوري د ورزشکارانو د یووالي په موخه د لسو لوبډلو تر منځ د فوټبال سيالۍ د ډکې لوبډلې په بریا پيل شوې.
د دغو سیالیو په پيل لوبه کې د ډکې لوبډلې خپلې سیالې لعل پورې لوبډلې ته د ۰/۳ ګولونو په توپیر ماتې ورکړه او بریا یې خپله کړه.
هېره دې نه وي دغه سیالۍ به لس ورځې دوام وکړي او موخه یې د ورزشکارانو ترمنځ یووالی رامنځته کول دي.
