ننګرهار؛ د خوږياڼو ولسوالۍ په ممله بڼ کې د واليبال سيالۍ ترسره شوې
د ننګرهار ولايت د سپورټ رياست او واليبال فدراسيون په ګډه همکارۍ د خوږياڼو ولسوالۍ په ممله بڼ کې د ٤ لوبډلو ترمنځ د واليبال يو ورځينۍ سيالۍ ترسره شوې.
لومړۍ لوبه د اتحاد او د لغمان ولایت د منتخبې لوبډلې تر منځ ترسره شوه، چې اتحاد لوبډلې ٣-٢ په میدانونو په توپیر وګټله او پای لوبې ته یې لار پیدا کړه.
دوهمه لوبه د خراسان پوهنتون او چپرهار ولسوالۍ لوبډلو تر منځ وشوه، چې ٣-٠ میدانونو په توپیر د خراسان پوهنتون لوبډلې وګټله او په پايلوبې کې له اتحاد لوبډلې سره مخ شوه.
په پاى لوبه کې د خراسان پوهنتون ٣-٢ میدانونو په توپیر اتحاد لوبډلې ته ماتې ورکړه او د دغو سياليو اتلولي يې وګټله.
