ننګرهار؛ بټي کوټ ولسوالۍ کې د ۴۴ ورزشکارانو ترمنځ د کنفتوا سیالۍ ترسره شوې
د ننګرهار ولایت د بدني روزنې، او ورزش ریاست اړوند د کنفتوا فدراسیون د استازولۍ له لوري د یاد ولایت په بټي کوټ ولسوالۍ کې د ۴۴ ورزشکارانو ترمنځ د کنفتوا ټاکنیزې سیالۍ ترسره شوې.
دا سیالۍ د نویو ځوانانو، ځوانانو او لویانو ورزشکارانو په عمري کټګوریو کې ترسره شوې، چې په پایله کې یې ۲۲ تنو خپلو سیالانو ته ماتې ورکړه او د کنفتوا سیالیو ملي سیالیو ته یې لار ومونده.
یادې سیالې د کنفتوا راتلونکو ملي سیالیو ته د غوره ورزشکارانو د ټاکلو په موخه ترسره شوې، چې یوه ورځ یې دوام وکړ.
