ننګرهار؛ بهسودو ولسوالۍ کې د افغان بیسیم غوره لیګ دویم پړاو کرکټ سیالۍ پیل شوې
د ننګرهار ولایت د بدني روزنې او ورزش ریاست په همغږي او د افغان بیسیم مخابراتي شرکت په مالي مرسته د یاد ولایت په بهسودو ولسوالۍ کې د ۱۸ لوبډلو ترمنځ د هېواد د بیا رغونې په نوم د کرکټ دویم پړاو سیالۍ پیل شوې.
د یادو سیالیو لومړۍ لوبه د بانډې ضاقیانو او خوځښت لوبډلو ترمنځ ترسره شوه، چې د بانډې قاضیانو لوبډلې د لوبې پچې په ګټلو سره لومړی توپ وهنه وکړه او په ټاکلو لسو اورونو کې یې د شپږو لوبغاړو په له لاسه ورکولو سره خپلې سیالې لوبډلې ته د ۱۱۷ منډو هدف وټاکه او خوځښت لوبډلې د ۸ لوبغاړو په له لاسه ورکولو سره یاد هدف پوره کړ او په دوه ویکټو یې لومړۍ بریا خپله کړه.
د دغو سیالیو د پیل په مراسمو کې د ننګرهار ولایت د ورزش ادارې استازو، د افغان بیسیم شرکت استازو، ورزشکارانو او د ورزش ګڼو مینوالو ګډون کړی و.
ټاکل شوې چې یادې سیالۍ به یوه نیمه میاشت دوام وکړي.
