میدان وردگ کې د اتو لوبډلو ترمنځ د فوتبال الف لیگ سیالۍ پيل شوې
د میدان وردگ ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په مرکز ميدان ښار کې د اتو لوبډلو ترمنځ د فوټبال الف ليگ سیالۍ پيل شوې.
د دغو سیالیو په لومړۍ لوبه کې الماس لوبډلې خپلې سيالې یاران میدان لوبډلې ته د ۳ پر صفر گولونو په توپير ماتې ورکړه او بريا يې خپل نوم کړه.
د یادو سیالیو موخه د ميدان وردگ ولايت فوټبال غوره ليگ ته د يوې لوبډلې ټاکل دي، چې درې اوونۍ به دوام وکړي.
