میدان وردګ؛ چک ولسوالۍ کې د ۴۰ لوبډلو ترمنځ د ټېپ بال کرېکټ سیالۍ پای ته ورسېدې
د میدان وردګ ولایت د بدني روزنې او ورزش آمریت له لوري د یاد ولایت په چک ولسوالۍ کې د ۴۰ لوبډلو ترمنځ د ټېپ بال کرېکټ سیالۍ د وردګ زلمیو لوبډلې په اتلولي پای ته ورسېدې.
د یادو سیالیو پایلوبه کې وردګ زلمیو لوبډلې له خپل ۱۶۰ منډو هدف څخه دفاع وکړه او د ۲۹ منډو په توپیر خپلې سیالې ګوډه اتلانو لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه اوونۍ یې دوام وکړ.
