میدان وردګ؛ چک ولسوالۍ کې د ۴۰ لوبډلو ترمنځ د والیبال سیالۍ پیل شوې
د میدان وردګو ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت په چک ولسوالۍ کې د ۴۰ لوبډلو ترمنځ د زرعون انبو خاک جام په نوم د والیبال سیالۍ پیل شوې.
د یادو سیالیو لومړۍ لوبه مبارز انبوخاک او میوند خړیانو لوبډلو ترمنځ ترسره شوه، چې په پایله کې یې مبارز انبوخاک لوبډلې د ۲ پر یو میدان په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
یادې سیالۍ د ورزش کارانو او ورزش مینوالو ترمنځ د یووالي او ورورولي په موخه پیل شوي دي، چې درې اوونۍ به دوام وکړي.
