میدان وردګ؛ په چک ولسوالۍکې د ۵۲ غشي ويشتونکو ترمنځ د غشي ويشتلو سیالۍ پای ته ورسېدې
د میدان وردګ ولایت د بدني روزنې او ورزش آمريت اړوند د غشي ويشتلو فدراسيون د استازولۍ له لوري د ياد ولايت د بند چک ولسوالۍ په آدم خېلو کلي کې د ۵۲ غشي ويشتونکو ترمنځ د غشي ويشتلو سیالۍ د ادم خېلو کلي په اتلولۍ پای ته ورسېدې.
د دغو سياليو په پايله کې ادم خېلو کلي لوبډلې خپلې سيالې دوران خېلو کلي لوبډلې ته د ۱۰۱ـ۶۸ نومرو په توپير ماتې ورکړه او د دغو سیالیو دویمه لوبه یې هم په خپله ګټه پای ته ورسوله.
هېره دې نه وي، چې دغه سیالۍ په دودیز شکل ترسره کېږي او له دې وړاندې په لومړۍ لوبه کې هم ادم خېلو کلي لوبډلې خپلې سیالې لوبډلې ته په ماتې ورکولو سره خپله درېیمه بریا ترلاسه کړه.
