میدان وردګ؛ سید آباد ولسوالۍ کې د ۲۴ لوبډلو ترمنځ د د ټېپ بال کرکټ سیالۍ پای ته ورسېدې
د میدان وردګ ولایت د ورزشي آمریت له لوري د یاد ولایت سید آباد ولسوالۍ هفت آسیا سیمه کې د ۲۴ لوبډلو ترمنځ د ټېپ بال کرکټ سیالۍ د شش قلعه ځواک لوبډلې په اتلولي پای ته ورسېدې.
د یادو سیالیو پایلوبه د شش قلعه ځواک او عبدالمحی الدین لوبډلو ترمنځ ترسره شوه، چې شش قلعه ځواک لوبډلې په ټاکلو ۸ اورونو کې خپلې سیالې لوبډلې ته د ۱۲۶ منډو هدف وټاکه، سیالې لوبډلې د هدف په تعقیب کې یوازې ۹۸ منډې وکړې او لوبه یې د ۲۷ منډو په توپیر وبایلله.
د لوبې په پای کې د ټورنمنټ غوره لوبغاړو ته ورزشي لباس، ستاینلیکونه او مډالونه ورکړل شول.
