میدان وردګ؛ سید آباد ولسوالۍ کې د ٣٢ لوبډلو ترمنځ د ټېپ بال کرېکټ سیالۍ پای ته ورسېدې
د میدان وردګ ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په سید آباد ولسوالۍ کې د ٣٢ لوبډلو ترمنځ د ټېپ بال کرېکټ سیالۍ د صمیم خان لوبډلې په اتلولي پای ته ورسېدې.
د یادو سیالیو پایلوبه د صمیم خان او اتفاق ټایګر لوبډلو ترمنځ ترسره شوه. د لوبې پچه صمیم خان لوبډلې وګټله او لومړی یې توپوهنه وکړه، چې په ټاکلو اتو اورونو کې یې د اوو ویکټو په زیان خپلې سیالې لوبډلې ته د ١٨٠ منډو هدف وټاکه. اتفاق ټایګر لوبډلې د هدف په تعقیب کې د ټولو ویکټو په زیان ١٤٣ منډې وکړې او د ٣٦ منډو په توپیر یې لوبه وبایلله.
دا سیالۍ ورزش ته د ځوانانو د هڅولو او سالمې تفرېح برابرولو په موخه ترسره شوې، چې یوه اوونۍ یې دوام وکړ.
