میدان وردګ؛ د ITF تکواندو پنځم پړاو ولایتي سیالۍ د میدان وردګ په لومړي مقام ګټلو سره پای ته ورسیدې
د ITF تکواندو پینځم پړا ولایتي سیالۍ چې دوه ورځې وړاندې د میدان وردګ ولایت په کوربتوب پیل شوې وې، د میدان وردګ په لومړي مقام ګټلو سره پای ته ورسیدې.
په دې سیالیو کې له شپږو ولایتونو څخه ۱۰۰ تنو ورزشکارانو برخه اخیستې وه چې په ټیمي برخه کې له میدان وردګ وروسته غزني دویم او کابل درېیم مقام، او په انفرادي برخه کې بیا کابل لومړی او ننګرهار دویم مقام خپل کړ.
د بدني روزنې او سپورټ آمر ذبیح الله وهاج یادې سیالۍ ډیرې شفافې، منظمې او معیاري وبللې او د آی ټي اف تکواندو له مسؤولینو یې د هغوی له ښه تنظیم او رهبرۍ څخه مننه وکړه.
د سیالیو مو ای ټي اف تکواندو ته وده ورکول او د ولایتونو د ورزشکارانو تر منځ یووالی او همغږي رامنځ ته کول وو.
