میدان وردګ؛ جلرېز ولسوالۍ کې د پنځو کلپونو ترمنځ د پهلوانۍ سیالۍ تر سره شوې.
د میدان وردګو ولایت د بدني روزنې او سپورت امریت اړوند د پهلوانۍ ملي فدراسيون د استازولۍ له لوري د ياد ولايت په جلرېز ولسوالۍ کې د پنځو کلبونو (۴۰) پهلوانانو ترمنځ د پهلوانۍ سیالۍ تر سره شوې.
دغو سياليو کې اتحاد تکانه، جلرېز زیبا، علي مولا، زبیر ځواک او جلرېز ځوانانو لوبډلو پهلوانانو د ۲۰ کيلوګرام څخه تر ۸۴ کيلو ګرام وزنونو کې ګډون کړی وو.
د دغو سياليو په پايله کې د جلرېز زيبا لوبډلې د نهو سرو زرو مډالونو په ترلاسه کولو لومړی او اتحاد تکانه لوبډلې د اووه سرو زرو مډالونو په ترلاسه کولو دويم مقام ترلاسه کړ.
د يادو سياليو موخه د پهلوانۍ ورزش ته د لوبغاړو هڅوول او وده ورکول و.
