ميدان وردگ؛ په سيدآباد ولسوالۍ کې د ۲۵ ورزشکارانو ترمنځ د ځغاستې سيالۍ ترسره شوې
د ميدان وردگ ولايت د بدني روزنې او ورزش امريت له لوري د ياد ولايت په سيدآباد ولسوالۍ کې د ۲۵ ورزشکارانو ترمنځ ورزش ته د ځوانانو هڅولو په موخه د ځغاستې سيالۍ ترسره شوې.
دغه سیالۍ، چې په نويو ځوانانو او ځوانانو په عمري کټگوريو کې ترسره شوې، په پايله کې قدرت الله لومړی، حکومت الله دويم او آرين بيا درېيم مقام ترلاسه کړ.
ياده دې وي، چې د دغو سياليو په پای کې غوره ورزشکارانو ته مډالونه او ستاينليکونه ورکړل شول.
