ميدان وردگ؛ ميدان ښار کې د ۴۵ ورزشکارانو ترمنځ د ځغاستې سيالۍ ترسره شوې
د ميدان وردگ ولايت د بدني روزنې او ورزش امريت اړوند د ملي او دوديزو لوبو مديريت له لوري په ميدان ښار کې د ۴۵ ورزشکارانو ترمنځ د روژې مياشتې د ښه راغلاست په پار د ځغاستې سيالۍ ترسره شوې.
دغه سيالۍ، چې يوه ورځ يې دوام وکړ، په پايله کې نجيب الله لومړی، تميم دويم او رفيع الله بيا درېيم مقام ترلاسه کړ.
د دغو سياليو د ترسره کېدو موخه ملي او دوديزو لوبو ته وده ورکول او د ورزشکارانو د فزيکي لوړتيا لوړول ښودل شوي وو او په پای کې گټونکو ورزشکارانو ته مډالونه او ستاينليکونه ورکړل شول.
