ميدان وردګ؛ د جغتو ولسوالۍ د واليبال اختريز جام سياليو اتلولي د کمال بابا لوبډلې خپله کړه
د ميدان وردګو ولايت د بدني روزنې او ورزش امريت او جغتو ولسوالۍ د ورزشي کمېټې له لوري د يادې ولسوالۍ په کمال بابا خېلو کلي د ۲۴ لوبډلو ترمنځ د واليبال اختريز جام سيالۍ د کمال بابا خان لوبډلې په اتلولۍ پای ته ورسېدې.
يادې سيالۍ د اختر په دویمه پيل شوې وې او تېره ورځ يې پايلوبه د کمال بابا خان او هزاره جانبېک لوبډلو ترمنځ ترسره شوه، چې په پايله کې کمال بابا خان لوبډلې د ۳_۱ ميدانونو په توپير بريا او اتلولي خپل کړل.
په پای کې لومړي مقام لوبډلې ته موترسکیل او دويم مقام ته کپونه او ستاینلیکونه ورکړل شول.
